Әлеуметтік желіде тараған бір бейнежазба немесе орынсыз пікір кейде тұтас ұлтқа қатысты теріс көзқарас қалыптастыруы мүмкін. Әсіресе, адамның әрекетін оның ұлтымен немесе діни сенімімен байланыстыру қоғамдағы өзара сенімге сызат түсіреді. Дін мәселелері жөніндегі сарапшы Балауса Сыздықованың айтуынша, ұлтаралық және дінаралық келісімді сақтауда стереотиптерден арылу мен ақпаратты сын көзбен қабылдаудың маңызы зор, деп хабарлайды Вairaqmedia.kz
Қазақстанда түрлі этнос пен діни сенім өкілдері бір шаңырақ астында өмір сүріп келеді. Олардың арасындағы татулықты сақтауда ортақ тарих пен ұлттық дәстүр ғана емес, зайырлылық қағидаттары мен діни құндылықтар да маңызды рөл атқарады. Алайда қоғамдық келісім өздігінен сақталмайды. Ендеше, Вairaqmedia.kz дін адамдарды жақындастыруға қалай ықпал ететінін, Қазақстандағы дін саясатының ұлтаралық татулықты нығайтудағы орны туралы арнайы маманның пікірін білді.