Атышулы іс Талдықорған қаласындағы Жетісу облысының қылмыстық істер жөніндегі мамандандырылған ауданаралық сотында ашық түрде қаралмақ деп хабарлайды bairaqmedia.kz
Іс бойынша алдын-ала тыңдауды 2025 жылғы 10 сәуір сағат 12:00-де Жетісу облысы, Талдықорған қаласында орналасқан Жетісу облысының қылмыстық істер жөніндегі мамандандырылған ауданаралық сотының ғимаратында, ашық сот отырысында өткізу тағайындалды, - деді Алматы облыстық сотының баспасөз қызметі
Жасөспірімнің қазасына қатысты іс материалдары 62 томды құраған болатын. 3 айдан аса уақытқа созылған тергеу барысында 40 түрлі сараптама жүргізіліп, 200-ге тарта куәгерден жауап алынған. Сонымен қатар, күдіктілердің оқиға орнындағы жауаптары тексеріліп, қатысушылар арасында беттестіру өткізіліпті. Оқиға орнында түсірілген 8 бейнематериал зерттелген.
Еске салсақ, қанды қылмыс өткен жылдың қазан айында Талғар қаласында болған еді. Азық-түлік дүкенінде сатып алушы мен 10-шы сынып оқушысының арасында кикілжің туып, арты төбелеске ұласқан. Салдарынан, 16 жастағы жасөспірім пышақ жарақатынан қаза тапты.
