Бүгін Шерзат Полаттың өліміне қатысты айыптау жөніндегі қылмыстық іс бойынша сот отырысы өтті, деп хабарлайды Bairaqmedia.kz.
Судья Ержан Жанұзақов келесі сот отырысын 28 сәуір сағат 10:00-ге тағайындады. Одан кейін 29 сәуір, 5-6 мамыр сағат 10:00-де өтеді. Сот отырысының күндері мамыр айындағы демалыс күндеріне байланысты өзгерді.
Еске сала кетсек, алғашқы болып жәбірленушілер: Жұмабике Қадыровадан (Шерзат Полаттың әжесі), Гүлбара Бейшенбиевадан (Шерзат Полаттың анасы), Қаржаубай Нұрымовтан (Шерзат Полаттың әкесі) жауап алынды.
Сондай-ақ, іс бойынша куәлар — Мирас Сейсенбай мен Эльмира Нұрбекова да жауап берді.
