Қазақстандық өндіруші Макинская құс фабрикасының құс етінен жүйке жүйесін зақымдайтын инфекция табылды, деп хабарлайды Orda.kz.
РБК мәліметінше Ресей мемлекетіне Алтай арқылы Қазақстаннан баратын Макинск құс фабрикасының өнімдерінде инфекция табылды. Сатушыларға өнімді айналымнан алу туралы ескертіліп, зертханалық бақылауға алынды
Салқындатылған бройлер тауық етінің партиясынан сынамаларды департаменттің Алтай аймағы және Алтай Республикасы бойынша бөлімшесінің қызметкерлері қаңтар айында алды.
«Россельхознадзор қарамағындағы «Бүкілресейлік жануарлар денсаулығы ғылыми-зерттеу институты» Федералдық мемлекеттік бюджеттік мекемесінің Алтай филиалында құс етіне жүргізілген зертханалық зерттеулер өнімдерде Listeria monocytogenes бар екенін көрсетті. Бұл биыл анықталған бірінші бұзушылық», - деп хабарлады Россельхознадзор.
Listeria monocytogenes адам мен жануарлардың қауіпті жұқпалы ауруы листериоздың қоздырғышы болып табылады, деп ескертті департамент. Инфекция орталық жүйке жүйесіне және ұрпақты болу органдарына әсер етеді. Листериоз шикі немесе шала пісірілмеген ластанған тағамдарды, ең алдымен жануарлардан алынатын өнімдерді, теңіз өнімдерін және басқа да тағамдарды тұтыну арқылы алынады.
Листериоздың инкубациялық кезеңі 90 күнге дейін созылуы мүмкін, бірақ әдетте бір-екі аптаға созылады. Симптомдарға қызба, қалтырау, жүрек айну, бұлшықет ауыруы және диарея жатады. Егер инфекция жүйке жүйесіне таралса, бас ауруы, мойынның қатаюы, құрысулар пайда болуы мүмкін және адам тепе-теңдікті жоғалта бастайды. Листериоз әсіресе жаңа туған нәрестелер мен жүкті әйелдер үшін қауіпті, бұл түсік түсіруге әкелуі мүмкін.
