Қазақстанда Атом энергиясы жөніндегі агенттік құрылды

Қазақстанда Атом энергиясы жөніндегі агенттік құрылды. Мемлекет басшысы Қасым-Жомарт Тоқаев тиісті заңға қол қойды, деп хабарлайды Bairaqmedia.kz.  

Жаңа ведомство президенке тікелей бағынады және есеп береді.

Атом энергиясы жөніндегі агенттіктің негізгі міндеттері:

• Уран өндіру саласындағы жер қойнауын пайдалану;
• Атом энергиясын пайдалану және қауіпсіздік шаралары;
• Халықтың радиациялық қауіпсіздігін қамтамасыз ету;
• Семей ядролық қауіпсіздік аймағының қызметін ұйымдастыру;

Агенттік жоғарыда аталған салалар бойынша Энергетика министрлігінен өкілеттіктерді қабылдайды. Сонымен қатар жаңа құрылым министрліктің құқықтық мирасқоры болып есептеледі.

Еске сала кетсек, мемлекет басшысының Жарлығымен Алмасадам Майданұлы Сәтқалиев Атом энергиясы жөніндегі агенттік төрағасы болып тағайындалды, ол бұрынғы атқарған лауазымынан босатылды.