Полиция мопед жүргізушілеріне ескерту жасады

Ішкі істер министрлігі мопед иелеріне көліктерін тіркеу қажеттігін ескертті, деп хабарлайды Bairaqmedia.kz.

Заң бойынша, 5 сәуірден кейін тіркелмеген мопедті басқаруға тыйым салынады. Бұл талапты орындамағандарға Әкімшілік кодекстің 590-бабының 2-бөлігіне сәйкес жауапкершілік қарастырылған. Қазір республика бойынша 8527 мопед тіркелген.

Тіркеу тәртібі:

• Арнайы халыққа қызмет көрсету орталығына жүгіну қажет.
• Қажетті құжаттар: (жеке куәлік (электронды түрі жарайды) және техникалық құжат немесе мопедтің техникалық сипаттамалары туралы мәліметтер.
• Өтініш толтырып, мопедті тексеруден өткізу керек.
• Мемлекеттік баж салығын төлеп, тіркеу куәлігі мен мемлекеттік нөмір алу қажет.

ІІМ мопед иелерін тіркеуді кейінге қалдырмауға шақырып, заң талаптарын сақтаудың маңыздылығын ескертеді.