Жамбыл облысында полиция басшының орынбасары қамауға алынды, деп хабарлайды Bairaqmedia.kz.
Бас прокуратураның хабарлауынша, ол ауыр қылмысты бүркемелеп қалған.
Байзақ ауданы полиция бөлімі бастығының орынбасарына қатысты ҚК-нің 433-бабының 2-бөлігімен ауыр санаттағы қылмысты қасақана жасырды деген күдікпен сотқа дейінгі тергеп-тексеру басталды.
«Аудан аумағында болған 10 700 000 теңге қаражатты жымқыруға қатысты арызды сотқа дейінгі тергеп-тексерулердің бірыңғай тізіліміне тіркемеу - қылмысты жасыру ретінде қаралды», деп хабарлады бас прокуратура.
Күдікті ұсталды. Оған қатысты сот «күзетпен ұстау» түріндегі бұлтартпау шарасын санкциялады.
Сотқа дейінгі тергеп-тексеру жалғасып жатыр.
