$ 455
€ 498.77
₽ 5.56

Филиппинде паромда 35 адам өртеніп кеткен

Редактор
12.09.2026, 11:34
Фото: Синьхуа
Фото: Синьхуа
Бұған дейін өрттен 5 адам көз жұмған еді

Филиппиннің Палаван провинциясы жағалауында 9 қыркүйекте өртенген жолаушылар паромынан құтқарушылар жұма күні тағы 30 адамның мәйітін алып шықты, деп хабарлайды Вairaqmedia.kz.

Бұл туралы Синьхуа жазды.

Бұған дейін өрттен 5 адам көз жұмған еді. Осылайша қаза тапқандар саны 35 адамға жетті.

Филиппин жағалау күзетінің (PCG) мәліметінше, тағы 54 адам із-түзсіз жоғалған.

PCG жариялаған видеодан өрттен кейін жолаушылар паромының түгі қалмай өртенгені, оның үстінде күл мен металл қалдықтары қалғанын көруге болады.

Жергілікті БАҚ мәліметінше, өрттен 43 адам аман қалған.