Атмосфералық фронттардың әсерінен елімізде жауын-шашынды ауа райы сақталады деп хабарлайды bairaqmedia.kz
Бірқатар өңірлерде найзағай ойнап, жаңбыр жауады.
Оңтүстік-шығыста және орталық өңірлерде қатты жаңбыр, ал солтүстікте жаңбырмен қоса қар жаууы ықтимал.
Тек республиканың оңтүстік-батысында ғана жауын-шашынсыз ауа райы болжанып отыр.
Ел аумағында желдің күшеюі, тұман, сонымен қатар оңтүстік-шығыс, шығыс, солтүстік және орталық өңірлерде бұршақ жаууы мүмкін.
Оңтүстік-шығыста дауыл соғуы ықтимал.
Күндіз Жетісу облысының Алакөл ауданында желдің жылдамдығы 30 м/с және одан да жоғары болуы мүмкін.
Түнде Ақмола, Қостанай, Солтүстік Қазақстан облыстарының батысында, сондай-ақ Ақтөбе облысының солтүстігінде 3 градусқа дейін үсік жүруі ықтимал.
