Қазақстанда рекордтық көлемде тұрғын үйді пайдалануға беру жоспарланып отыр. Бұл туралы премьер-министр орынбасары – Ұлттық экономика министрі Серік Жұманғарин Үкімет отырысында айтты, деп хабарлайды Bairaqmedia.kz.
Оның айтуынша, биыл кемінде 19 млн шаршы метр тұрғын үй пайдалануға берілмек. Ол бұл нәтижелерге жаңа инфрақұрылымды салудан және ипотекалық несие көлемін ұлғайтудан бастап жалға берілетін тұрғын үймен қамтамасыз етуге дейінгі барлық аспектілерді қамтитын бастамалар арқылы қол жеткізілетінін түсіндірді.
«Нақты секторды қаржыландыруды ұлғайтуға бағытталған бастамалар жалпы ішкі өнімнің өсуіне кемінде 2 пайыздық тармақ қосып, биылғы жылы оның айтарлықтай өсуіне алып келеді», – деп толықтырды Серік Жұманғарин.
