Астанада көлік қозғалысы көп Мәңгілік Ел даңғылында BMW X7 және Hyundai автокөліктері соқтығысты. Жол-көлік оқиғасына қатысты елордалық полиция түсініктеме берді, деп хабарлады Вairaqmedia.kz.
Астана полиция департаментінің мәліметінше, жол апаты 26 тамызда болған. Алдын ала анықталғандай, BMW X7 жүргізушісі Мәңгілік Ел даңғылымен келе жатып, бағдаршамның рұқсат беретін белгісіне солға бұрылған.
Алайда маневр жасау кезінде жүргізуші қарсы бағытта тіке келе жатқан Hyundai автокөлігіне жол бермеген. Салдарынан екі көлік соқтығысқан.
Полицияның хабарлауынша, жол апатынан зардап шеккендер жоқ.
«Жол-көлік оқиғасы салдарынан зардап шеккендер жоқ. BMW X7 жүргізушісіне қатысты әкімшілік іс қозғалып, материал соттың қарауына жіберілді», – деп хабарлады полицияның баспасөз қызметі.
Оқиғаның видеосы әлеуметтік желіде тарады.
