Астанада көліктің жарылуы салдарынан ауруханаға түскен ер адам көз жұмды, деп хабарлайды қалалық денсаулық сақтау басқармасы.
"Өкінішке қарай, көрсетілген медициналық көмекке қарамастан, жарақаттардың салдарынан науқас қайтыс болды", - дейді дәрігерлер.
Олардың айтуынша, науқастың денесінің 90-95% күйіп қалған. Ол №1 көпсалалы қалалық ауруханасының жансақтау бөліміне жатқызылған.
Еске сала кетейік, 31 мамырда Астанада Аманжолов көшесіндегі автокөлікте газ жарылып, бірнеше адам ауыр жарақат алды. Зардап шеккендердің арасында балалар да бар.
