Астана дәмханаларында кальян шеккен тағы бес адам жазаланды, деп хабарлайды Bairaqmedia.kz.
Қала әкімдігінің ақпаратына сәйкес, Астанада кезекті рет кальян шегушілерді анықтау мақсатында түнгі рейд жүргізілген. Сарайшық ауданындағы ойын-сауық мекемелерінде тексеру өтті.
Рейдті аудан әкімдігі мен полиция басқармасының өкілдері жүргізді. Олар қоғамдық орындарда кальянды пайдаланудың алдын алу мақсатында 6 ойын-сауық мекемесін тексерді.
«Екі мекемеде заң бұзушылықтар анықталды. Мекемеге келген 5 тұлға әкімшілік жауапкершілікке тартылды. Айыппұлдың жалпы сомасы 294 900 теңгені құрады», – делінген хабарламада.
Тыйым салынған орындарда кальян пайдаланғаны үшін ойын-сауық мекемелерінің тұтынушыларына ҚР ӘҚБтК-нің 441-бабына сәйкес айыппұлдар өндірілді.
