«Астана банкі» АҚ директорлар кеңесінің бұрынғы төрағасы және мажоритарлық акционері Олжас Тоқтаров 10 жылға бас бостандығынан айырылды. Бұл туралы Сыбайлас жемқорлыққа қарсы қызметтің ресми өкілі Данияр Бигайдаров мәлімдеді, деп хабарлайды Bairaqmedia.kz.
Оның айтуынша, биыл Сыбайлас жемқорлыққа қарсы қызметтің қылмыстық істері шеңберінде мемлекетке келтірілген залалды өтей отырып, бірқатар сот шешімі шығарылған. Оның ішінде 22 сәуірде Астана қаласының қылмыстық істер жөніндегі ауданаралық сотыСот «Астана Банкі» АҚ Директорлар кеңесінің бұрынғы төрағасы және мажоритарлық акционері О.Тоқтаровты агенттік қызмет көрсету және банкроттыққа дейінгі кезеңде Алматы қаласындағы бизнес-орталықтың бақылауындағы компанияның пайдасына заңсыз иеліктен шығару түріндегі Банктің ақшалай қаражатын жымқырғаны үшін кінәлі деп таныды, – деді Данияр Бигайдаров.
