«Ақтөбе» футбол клубында 250 млн теңгенің жымқырылуы анықталды, деп хабарлайды Bairaqmedia.kz.
Облыс прокуратурасы «Заң және Тәртіп» тұжырымдамасы аясында Бас прокуратураның тапсырмасымен «Ақтөбе» ФК-ның қызметіне тексеру жүргізіп, аса ірі көлемдегі қаржылық бұзушылықтарды әшкереледі.
Нақты қандай заңбұзушылықтар тіркелді?
Ойыншылардың трансферіне және әуе тасымалына қатысты күмәнді мәмілелер жасалған;
Тамақтануға бөлінген қаржы — клуб қызметкерлерінің жеке қажеттіліктеріне жұмсалған.
Тексеру нәтижесінде келесі баптар бойынша 3 қылмыстық іс қозғалды:
ҚК 189-бабы, 4-бөлік, 2-тармақ — аса ірі мөлшерде сеніп тапсырылған бөтен мүлікті жымқыру;
ҚК 361-бабы, 4-бөлік, 1-тармақ — лауазымдық өкілеттікті теріс пайдалану;
ҚК 190-бабы, 4-бөлік, 2-тармақ — аса ірі мөлшердегі алаяқтық.
Қылмыстық істер Сыбайлас жемқорлыққа қарсы қызметке жолданды. Тергеу амалдары облыс прокуратурасының тікелей бақылауында.
