Алматы әуежайында жолаушы қызметкер әйелді кепілге алды, деп хабарлайды Bairaqmedia.kz.
Алматы халықаралық әуежайының мәліметінше, оқиға бүгін 11:45-те болған. Ішкі рейстер терминалында ер адам жолаушы ретінде ұшу алдындағы тексеру аймағына барған. Авиациялық қауіпсіздік қызметкерлері ер адамнан құжатын көрсетуді өтінген кезде ол әуежай қызметкерін шашынан ұстап, пышақпен қорқытқан.
7 минуттан кейін ер адамды әуежай аумағындағы полицияның желілік бөлімінің қызметкерлері ұстады. Қазір ер адам полицияның желілік бөлімінде және бұл оқиғамен құқық қорғау органдарының қызметкерлері айналысып жатыр, – делінген хабарламада.
