Қалада жалпы саны 28 ағаш құлаған. Оның үшеуі үйлерге түсіпті. Мұнымен қоса, бірқатар үйдің шатыры зақымданған және құрылыс алаңында қоршау құлап кеткен бір оқиға тіркелді.
Сағат 19:30-дан бастап Алматы қаласында екпінді желмен, найзағаймен қоса қысқа мерзімді нөсерлі жаңбыр басталды, ол араға үзік-үзік уақыт салып 8 сәуір түнгі сағат 02:00-де аяқталды. Сағат 21:00-дегі жағдай бойынша қаланың әртүрлі бөліктерінде 2-ден 6 мм-ге дейін жауын-шашын тіркелді. Түнгі уақытта 376 бірлік арнайы техника жұмылдырылды, оның ішінде 255-і "Алматы Тазалық" МКК және 121-і жеке мердігерлік ұйымдардан. 395 жол жұмысшысы жұмыс істеді", – деп хабарлады Алматы қаласының әкімдігі.
Сондай-ақ, жергілікті су тасқынының алдын алу және жою үшін қажетті жабдықтармен жабдықталған 42 жедел бригаданың жұмыс істегені хабарланды.