Алматы облысында ер адам пойыз астына түсіп, қаза тапты, деп хабарлайды Bairaqmedia.kz.
Ақпаратқа сәйкес, қайғылы оқиға кеше сағат 17:24-те Ақсеңгір-Шымалған теміржол аралығында (Алматы-Отар учаскесі) болған.
Машинистің айтуынша, ер адам кенеттен жолға шығып, локомотив сигналдарына жауап бермеген, ал шұғыл тежеу басылғанмен, соққыдан құтылу мүмкін болмаған.
Оқиғаның алдын ала себебі – жәбірленушінің жеке абайсыздығы және теміржолдағы қауіпсіздік ережелерін сақтамауы, – делінген ҚТЖ хабарламасында.
Қазір іс бойынша қажетті тергеу әрекеттері жүргізіліп жатыр.
