Желіде еркін күрестен әлем чемпионы Ризабек Айтмұханның базарда апасы мен жездесіне көмектесіп, көкөніс тасып жүрген видеосы тарады, деп хабарлайды bairaqmedia.kz baq.kz-ке сілтеме жасап.
Қазақстандықтар әлеуметтік желіде жарияланған бейнежазбаға жылы пікірлер қалдырып, чемпионның қарапайымдылығы мен еңбекқорлығын атап өтуде.
"Керемет! Адам болу керек өмірде, чемпион болды. Өле-өлгенше адам болып қалу керек дәл осылай", "Жездесінің жолы болыпты, осындай балдызы бар", "Өте қарапайым чемпион!", "Чемпион болса да, қарапайым қалпынан айнымаған" , - деген пікірлер жазылуда.
Айта кетейік, Ризабек Айтмұхан – еркін күрестен Қазақстаннан шыққан тұңғыш әлем чемпионы.
Ол 2023 жылы Сербия астанасы Белградта өткен әлем чемпионатында 97 келі салмақ дәрежесінде топ жарып, ел спорты тарихында жаңа белес ашқан болатын.
