Мәдениет және ақпарат министрі Аида Балаева жазда Астанада өтетін Дженнифер Лопестің концертіне баратынын айтты деп хабарлайды bairaqmedia.kz
Ол концертке билетті қуана-қуана сатып алған. Айта кетейік, әлем жұлдызының кеші 1 тамызда Астана Аренада өтпек.
Министр ретінде бизнес өкілдері осындай іспен айналысып жатқанына қуанамын. Біз оларға жан-жақты көмектесеміз. Мен Дженнифер Лопестің концертіне қуана-қуана барамын. Өйткені, оның бүкіл әлем мойындаған талантын көзбен көргім келеді. Билет сатып алдым, мен де концертке барамын, - деді Аида Балаева.
Министр Дженнифер Лопестің жанкүйерлерінің арқасында Қазақстан туралы көп адам естіп-білетін болады деп мәлімдеді. Сонымен қатар, Аида Балаева Лара Фабианның концертіне де барғысы келетінін айтты.
