Талдықорғанда төбелес кезінде жас жігіт көз жұмды, деп хабарлайды Bairaqmedia.kz.
Ақпаратқа сәйкес, Талдықорған қаласының «Шығыс» ықшамауданында №32 үйдің жанында жастар арасында төбелес болған. Жанжал кезінде олардың бірі пышақ жарақатын алған.
Ауыр жарақат салдарынан зардап шеккен жігіт жедел жәрдем келгенге дейін оқиға орнында көз жұмды.
Полиция мәліметінше, күдікті – 2003 жылы туған азамат – ұсталды. Қазір жанжалдың себептері мен оқиғаның толық мән-жайы анықталып жатыр.
