«Қазақмыс корпорациясы» шахтадағы апат болған күні тау жынысы опырылуының болмағанын жеткізді, деп хабарлайды Bairaqmedia.kz.
Еске сала кетсек, Ұлытау облысы Жаңаарқа ауданында орналасқан «Қазақмыс корпорациясы» ЖШС-ның «Жомарт» кенішінде апат болып, салдарынан 7 жұмысшы қаза тапты.
Кеніштегі жұмыс тергеу аяқталғанға дейін тоқтатылды. Табиғи газдың жарылуына не себеп болғаны талданып жатыр. Компания Үкіметтік комиссиямен және тергеу органдарымен қоян-қолтық жұмыс істеуде және қолданыстағы қауіпсіздік стандарттарына түзету енгізуді жоспарлап отыр, – делінген компания хабарламасында.
Ақпаратқа сәйкес, соңғы үш жылда Қазақмыс еңбек қауіпсіздігіне 87 млрд теңгеден астам инвестиция салған, ал 2025 жылға жоспарланған қаржыландыру көлемі – 38 млрд теңге.
