Маңғыстау облысы бойынша Бәсекелестікті қорғау және дамыту агенттігінің департаменті «QAZAQGAZ AIMAQ» АҚ Маңғыстау өндірістік филиалына қатысты тергеп-тексеру жүргізді, деп хабарлайды Bairaqmedia.kz.
Ақпаратқа сәйкес, компанияның экономикалық қызметін үйлестіру бөлігінде заңнаманы бұзушылықтар анықталған.
Филиал дәнекерлеу-монтаждау жұмыстарының көлемін бөлу кезінде жекелеген ұйымдарға артықшылық беру және техникалық шарттарды алушыларды таңдау құқығын шектеу арқылы бәсекелестер үшін кедергілер жасады, – делінген хабарламада.
Мұнайлы аудандық сотының және апелляциялық сатының шешімімен филиалға 1 000 АЕК (3 692 000 теңге) айыппұл салынды. Айыппұл мемлекет пайдасына өндірілді.
