Оралда ток соққан 9 жасар бала ауруханада көз жұмды, деп хабарлайды Bairaqmedia.kz.
БҚО Денсаулық сақтау басқармасының ммәліметінше, бала облыстық көпбейінді балалар ауруханасында мамырдың 1-нен 2-сіне қараған түні қайтыс болған.
Облыстық полиция департаменті аталған дерекке қатысты тергеу амалдары жалғасып жатқанын жеткізді.
Қылмыстық іс бойынша тиісті сараптамалар тағайындалды. Өзге ақпарат ҚР Қылмыстық іс жүргізу кодексінің 201-бабына сәйкес жария етуге жатпайды, – делінген хабарламада.
Еске сала кетсек, бұған дейін Оралда көпқабатты үйдің ауласында 9 жасар баланы тоқ соғып, жансақтау бөліміне түскенін хабарлаған болатынбыз.
