Маңғыстау облысы Бейнеу ауданында 11 оқушы бірдей диагнозбен ауруханаға түскен, деп хабарлайды Bairaqmedia.kz.
Ақпаратқа сәйкес, аудандық аурухананың қабылдау бөліміне кеше кешкі уақытта 9-12 жас аралығындағы 11 бала жедел-жәрдеммен жеткізілген. Олардың барлығында құсу мен әлсіздік белгілері байқалған.
Ауданы әкімдігінің мәліметінше, балалар 2, 3 және 5-сынып оқушылары. Барлығы да дәрігерлердің тексеруінен кейін үйлеріне қайтарылды.
Дәрігерлер түскен балаларды қарап, үйлеріне қайтарды. Ауруханаға жатқызылғандар жоқ. Қазір оқушылардың денсаулығы бірқалыпты, амбулаторлық бақылауда, – делінген хабарламада.
Сондай-ақ, Бейнеу аудандық санитариялық-эпидемиологиялық бақылау басқармасының мамандары осы оқиғадан кейін, жедел тергеп-тексеру жүргізіп, азық-түліктерден сынамалар алған. Оқушылардың неден ауырғанын анықтау үшін, санитариялық профилактикалық іс-шаралар жүргізіліп жатыр.
