Жетісу облысында екі полицей қаза тапты. Бұл туралы Ішкі істер министрі Ержан Сәденов әлеуметтік желідегі парақшасына жазды, деп хабарлайды Bairaqmedia.kz.
Қызметтік міндеттерін атқару кезінде жол-көлік оқиғасынан қаза тапқан Жетісу облысы Полиция департаментінің қызметкерлері – полиция майоры Арнұр Алханов пен полицияның аға лейтенанты Шыңғыс Әсілбековтің туған-туыстарына және жақындарына көңіл айтамын. Олардың есімдері әрдайым әріптестерінің жадында сақталады», – деп жазды министр.
Сондай-ақ ол министрлік тарапынан марқұмдардың отбасына қажетті көмек көрсетілетінін атап өтті.
