Ақтөбе облысында басқарма басшысы бюджет қаржысын букмекерлік кеңсеге салған, деп хабарлайды Bairaqmedia.kz.
Ақпаратқа сәйкес, спорт алаңдары мен залдарын жалға беру қызметінен бюджетке түсуге тиіс болған қаражатты екі балалар-жасөспірім спорт мектебінің басшылары заңсыз иемденген.
Олар 12 млн теңгеден астам бюджет қаражатын жеке қажеттіліктеріне, соның ішінде букмекерлік кеңселерде жұмсаған. Аталған фактілер бойынша прокуратура 2 қылмыстық іс тіркеді, – делінген прокуратура хабарламасында.
Тергеуді облыстық Экономикалық тергеу департаменті жүргізді. Осы жылдың 10 қаңтарында тергеу аяқталып, қылмыстық іс (істер біріктірілді) мәні бойынша қарау үшін сотқа жолданды.
