Атырау қаласы Еркінқала ауылынан 15 шақырым жерде «Ақ Жайық» мемлекеттік табиғи резерватының аумағында қамыс өртенді, деп хабарлайды Bairaqmedia.kz.
Өртті сөндіру «Қазавиақұтқару» АҚ МИ-8 су төгу құрылғысы бар тікұшақпен іске асырылды. Барлығы 33 рет, жалпы көлемі 100 тонна су төгілді.
Қазір бір ошақта ауданы 7 гектар болатын аумақта қамыс бықсып жатыр. Өртті сөндіруге ТЖД және «Ақ Жайық» МТР күштері мен құралдары, жалпы саны 80 адам, 23 техника жұмылдырылды. Сөндіру жұмыстары жалғасып жатыр, – делінген хабарламада.
Өрт орнында өрт сөндіру штабы құрылды. Елді мекендерге өрттің таралу қаупі жоқ.
