Ақмола облысында найзағай әкесі мен баласын мерт қылды, деп хабарлайды Bairaqmedia.kz.
Ақпаратқа сәйкес, Зеренді ауданында найзағай салдарынан қайғылы жағдай тіркелген. 37 жастағы ер адам мен оның 9 жасар ұлы мал бағып жүрген сәтте найзағай соғып, екеуі де оқиға орнында қаза тапты.
Облыстық полиция департаментінің мәліметінше, оқиға орнында тексеру жұмыстары жүргізіліп жатыр, ал мән-жай толық анықталған соң процессуалдық шешім қабылданады.
Қазір аталған факті бойынша қылмыстық іс қозғалып, тергеу амалдары жүріп жатыр.
