Абай облысында прокурорлар ұлттық парк қызметкерлерінің жалған дипломдарын анықтады, деп хабарлайды Bairaqmedia.kz.
Үржар ауданының прокуратурасы 15 инспектордың жоғары білім туралы жалған диплом негізінде «Тарбағатай» мемлекеттік ұлттық табиғи паркі» РММ-не жұмысқа орналасқанын анықтады.
Олардың кейбірі ұлттық парк жүйесінде 10 жылдан астам уақыт еңбек еткен.
Қазір аталған факті бойынша ҚР ҚК-нің 385-бабы 3-бөлігі («Көрінеу жалған құжатты пайдалану») бойынша сотқа дейінгі тергеп-тексеру амалдары жүргізіліп жатыр, – делінген прокуратура хабарламасында.
Прокуратура көрінеу жалған құжатты пайдаланғаны үшін 160 айлық есептік көрсеткішке дейін айыппұл салу немесе 40 тәулікке дейін әкімшілік қамауға алу көзделгенін ескертеді.
